tarab se ho aaya hun aur yas ki tah tak Dub chuka hun

tarab se ho aayā huuñ aur yaas kī tah tak Duub chukā huuñ

duur huuñ apnī khoj se ab tak kab se ḳhud ko DhūñD rahā huuñ

maiñ huuñ ye ghaTtā phailtā saaya maiñ ye kaise ho saktā huuñ

vaqt ke sayyāl ā.īne meñ kaun hai kis ko dekh rahā huuñ

dil ke kisī pinhāñ goshe meñ an-jānī koī haar chhipī hai

jaan tapāk haiñ terī bāteñ maiñ be-bāt bhaTak jaatā huuñ

dekhte dekhte terā chehra aur ik chehra ban jaatā hai

ik mānūs malūl sā chehra kab dekhā thā bhuul gayā huuñ

ik lamhe ne mujh se kahā thā tū hī azal hai tū hī abad hai

lamha biitā baat ga.ī is ḳhvāb se kab kā chauñk uThā huuñ

dīda-e-vā ke damakte ḳhvābo mere saath chaloge kab tak

tum ki vafūr-e-rañg-o-navā ho maiñ ki shikast-e-dil kī sadā huuñ

ḳhaak uḌtī hai lab-bosī ko taare aañkh ko chhū lete haiñ

qurb kā ḳhvāhāñ mujh se zamāna maiñ tanhā huuñ maiñ tanhā huuñ

tarab se ho aaya hun aur yas ki tah tak Dub chuka hun

dur hun apni khoj se ab tak kab se KHud ko DhunD raha hun

main hun ye ghaTta phailta saya main ye kaise ho sakta hun

waqt ke sayyal aaine mein kaun hai kis ko dekh raha hun

dil ke kisi pinhan goshe mein an-jaani koi haar chhipi hai

jaan tapak hain teri baaten main be-baat bhaTak jata hun

dekhte dekhte tera chehra aur ek chehra ban jata hai

ek manus malul sa chehra kab dekha tha bhul gaya hun

ek lamhe ne mujh se kaha tha tu hi azal hai tu hi abad hai

lamha bita baat gai is KHwab se kab ka chaunk uTha hun

dida-e-wa ke damakte KHwabo mere sath chaloge kab tak

tum ki wafur-e-rang-o-nawa ho main ki shikast-e-dil ki sada hun

KHak uDti hai lab-bosi ko tare aankh ko chhu lete hain

qurb ka KHwahan mujh se zamana main tanha hun main tanha hun