tegh-e-jafa ko teri nahin imtihan se rabt

teġh-e-jafā ko terī nahīñ imtihāñ se rabt

merī subuk-sarī ko hai bār-e-garāñ se rabt

duniyā ko ham se kaam na duniyā se ham ko kaam

ḳhātir se terī rakhte haiñ sāre-jahāñ se rabt

uḌte hī gard jaatī hai jo sū-e-asmāñ

hai kuchh na kuchh zamīn ko bhī āsmāñ se rabt

iz.hār-e-hāl ke liye sūrat savāl hai

hai guftugū se kaam na ham ko zabāñ se rabt

chashme kī tarah rahtī haiñ jaarī mudām ye

āñkhoñ ko ho gayā hai jo āb-e-ravāñ se rabt

be-rabtiyoñ ne 'qadr' miTā.ī jo rabt kī

hai gosht ko bhī apne na ab ustuḳhvāñ se rabt

tegh-e-jafa ko teri nahin imtihan se rabt

meri subuk-sari ko hai bar-e-garan se rabt

duniya ko hum se kaam na duniya se hum ko kaam

KHatir se teri rakhte hain sare-jahan se rabt

uDte hi gard jati hai jo su-e-asman

hai kuchh na kuchh zamin ko bhi aasman se rabt

izhaar-e-haal ke liye surat sawal hai

hai guftugu se kaam na hum ko zaban se rabt

chashme ki tarah rahti hain jari mudam ye

aankhon ko ho gaya hai jo aab-e-rawan se rabt

be-rabtiyon ne 'qadr' miTai jo rabt ki

hai gosht ko bhi apne na ab ustuKHwan se rabt