aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

tere KHayal ke diwar-o-dar banate hain

Jameeluddin Aali

tere KHayal ke diwar-o-dar banate hain

Jameeluddin Aali

MORE BYJameeluddin Aali

    tere ḳhayāl ke dīvār-o-dar banāte haiñ

    ham apne ghar meñ bhī terā ghar banāte haiñ

    bajā.e yaum-e-malāmat rakhā hai jashn mirā

    mire bhī dost mujhe kis qadar banāte haiñ

    bikherte raho sahrā meñ biij ulfat ke

    ki biij to ubhar kar shajar banāte haiñ

    bas ab hikāyat-e-mazdūrī-e-vafā na banā

    vo ghar unheñ nahīñ milte jo ghar banāte haiñ

    tirā bhī naam chhapā vaj.h-e-marg-e-āshiq meñ

    ye dekh be-ḳhabare yuuñ ḳhabar banāte haiñ

    vo kyā ḳhudā parastish kareñge merī tarah

    jo ek but bhī bahut soch kar banāte haiñ

    kahā ye kis ne ki hai qasr-e-ishq rahn-e-shabāb

    banāne vaale ise umr-bhar banāte haiñ

    aa.e to tirī kārī-garī laaj rahe

    ham aaj dasht meñ rah kar bhī ghar banāte haiñ

    milī na fursat-e-ārā.ish-e-bayābāñ bhī

    ki ham yahāñ bhī tire bām-o-dar banāte haiñ

    adū havāo karāchī ke log haare nahīñ

    jo ghar girāo vo bār-e-digar banāte haiñ

    abu-dhabi meñ hamesha na.ī ġhazal 'ālī'

    ye log to tujhe mo'tabar banāte haiñ

    tere KHayal ke diwar-o-dar banate hain

    hum apne ghar mein bhi tera hi ghar banate hain

    bajae yaum-e-malamat rakha hai jashn mera

    mere bhi dost mujhe kis qadar banate hain

    bikherte raho sahra mein bij ulfat ke

    ki bij hi to ubhar kar shajar banate hain

    bas ab hikayat-e-mazduri-e-wafa na bana

    wo ghar unhen nahin milte jo ghar banate hain

    tera bhi nam chhapa wajh-e-marg-e-ashiq mein

    ye dekh be-KHabare yun KHabar banate hain

    wo kya KHuda ki parastish karenge meri tarah

    jo ek but bhi bahut soch kar banate hain

    kaha ye kis ne ki hai qasr-e-ishq rahn-e-shabab

    banane wale ise umr-bhar banate hain

    tu aae to teri kari-gari ki laj rahe

    hum aaj dasht mein rah kar bhi ghar banate hain

    mili na fursat-e-araish-e-bayaban bhi

    ki hum yahan bhi tere baam-o-dar banate hain

    adu hawao karachi ke log haare nahin

    jo ghar girao wo bar-e-digar banate hain

    abu-dhabi mein hamesha nai ghazal 'ali'

    ye log hi to tujhe mo'tabar banate hain

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now