tere pahlu mein tere dil ke qarin rahna hai
tere pahlū meñ tire dil ke qarīñ rahnā hai
merī duniyā hai yahī mujh ko yahīñ rahnā hai
kaam jo umr-e-ravāñ kā hai use karne de
merī āñkhoñ meñ sadā tujh ko hasīñ rahnā hai
dil kī jāgīr meñ merā bhī koī hissa rakh
maiñ bhī terā huuñ mujhe bhī to kahīñ rahnā hai
āsmāñ se koī utrā na sahīfa na sahī
tū mirā diiñ hai mujhe sāhib-e-dīñ rahnā hai
jaise sab dekh rahe haiñ mujhe us tarah na dekh
mujh ko āñkhoñ meñ nahīñ dil meñ makīñ rahnā hai
phuul mahkeñge yūñhī chāñd yūñhī chamkegā
tere hote hue manzar ko hasīñ rahnā hai
maiñ tirī saltanat-e-husn kā bāshinda huuñ
mujh ko duniyā meñ kahīñ aur nahīñ rahnā hai
tere pahlu mein tere dil ke qarin rahna hai
meri duniya hai yahi mujh ko yahin rahna hai
kaam jo umr-e-rawan ka hai use karne de
meri aankhon mein sada tujh ko hasin rahna hai
dil ki jagir mein mera bhi koi hissa rakh
main bhi tera hun mujhe bhi to kahin rahna hai
aasman se koi utra na sahifa na sahi
tu mera din hai mujhe sahib-e-din rahna hai
jaise sab dekh rahe hain mujhe us tarah na dekh
mujh ko aankhon mein nahin dil mein makin rahna hai
phul mahkenge yunhi chand yunhi chamkega
tere hote hue manzar ko hasin rahna hai
main teri saltanat-e-husn ka bashinda hun
mujh ko duniya mein kahin aur nahin rahna hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
