tha jo ek kafir musalman ho gaya

thā jo ik kāfir musalmāñ ho gayā

pal meñ vīrāna gulistāñ ho gayā

chhup ke pī thī kal jahāñ pe shaiḳh ne

us jagah qaa.em ḳhumistāñ ho gayā

chāra-gar kī ab nahīñ hājat mujhe

dard hī ḳhud baḌh ke darmāñ ho gayā

mujh pe koī ho gayā hai mehrbāñ

qatl kā ab apne sāmāñ ho gayā

hai taġhāful hī kā tere faiz kuchh

rafta rafta maiñ ġhazal-ḳhvāñ ho gayā

mujh ko is mahfil meñ jaanā hī na thā

dil fidā-e-rū-e-ḳhūbāñ ho gayā

bevafā se ishq kā anjām hai

ye jo 'ḳhushtar' ḳhūn-e-armāñ ho gayā

tha jo ek kafir musalman ho gaya

pal mein virana gulistan ho gaya

chhup ke pi thi kal jahan pe shaiKH ne

us jagah qaem KHumistan ho gaya

chaara-gar ki ab nahin hajat mujhe

dard hi KHud baDh ke darman ho gaya

mujh pe koi ho gaya hai mehrban

qatl ka ab apne saman ho gaya

hai taghaful hi ka tere faiz kuchh

rafta rafta main ghazal-KHwan ho gaya

mujh ko is mahfil mein jaana hi na tha

dil fida-e-ru-e-KHuban ho gaya

bewafa se ishq ka anjam hai

ye jo 'KHushtar' KHun-e-arman ho gaya