aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

tilism-e-gumbad-e-be-dar kisi pe wa na hua

Akhtar Hoshiyarpuri

tilism-e-gumbad-e-be-dar kisi pe wa na hua

Akhtar Hoshiyarpuri

MORE BYAkhtar Hoshiyarpuri

    tilism-e-gumbad-e-be-dar kisī pe na huā

    sharar to lapkā magar shola-e-sadā na huā

    hameñ zamāne ne kyā kyā na aa.ine dikhlā.e

    magar vo aks jo ā.īna-āshnā na huā

    bayāz-e-jāñ meñ sabhī sher ḳhūb-sūrat the

    kisī bhī misra-e-rañgīñ hāshiyā na huā

    na jaane log Thaharte haiñ vaqt-e-shām kahāñ

    hameñ to ghar meñ bhī rukne hauslā na huā

    vo shahr aaj bhī mere lahū meñ shāmil hai

    vo jis se tark-e-ta.alluq ko ik zamānā huā

    yahī nahīñ ki sar-e-shab qayāmateñ TūTīñ

    sahar ke vaqt bhī in bastiyoñ meñ kyā na huā

    maiñ dasht-e-jāñ meñ bhaTak kar Thahar gayā 'aḳhtar'

    phir is ke baad mirā koī rāstā na huā

    tilism-e-gumbad-e-be-dar kisi pe wa na hua

    sharar to lapka magar shola-e-sada na hua

    hamein zamane ne kya kya na aaine dikhlae

    magar wo aks jo aaina-ashna na hua

    bayaz-e-jaan mein sabhi sher KHub-surat the

    kisi bhi misra-e-rangin ka hashiya na hua

    na jaane log Thaharte hain waqt-e-sham kahan

    hamein to ghar mein bhi rukne ka hausla na hua

    wo shahr aaj bhi mere lahu mein shamil hai

    wo jis se tark-e-talluq ko ek zamana hua

    yahi nahin ki sar-e-shab qayamaten TuTin

    sahar ke waqt bhi in bastiyon mein kya na hua

    main dasht-e-jaan mein bhaTak kar Thahar gaya 'aKHtar'

    phir is ke baad mera koi rasta na hua

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now