teri jab nind ka daftar khula tha

tirī jab niiñd kā daftar khulā thā

yaqīnan ek ik manzar khulā thā

use tum chāñd se tashbīh denā

ki us ke haath meñ ḳhanjar khulā thā

sunā dīvār-o-dar kyā kah rahe haiñ

hamārī piiTh par nashtar khulā thā

nahīñ ki tañg thiiñ apnī qabā.eñ

tumhāre jism kā paikar khulā thā

badalte mausamoñ kī taan TuuTī

ghaTāoñ par mirā sāġhar khulā thā

parī-paikar se jab bhī baat hotī

maze kī baat hai aksar khulā thā

kisī ke haath so.e the sirhāne

kisī ke haath meñ ḳhanjar khulā thā

uḌāneñ jab bhī thiiñ mahdūd 'khullar'

hamāre naam kā shah-par khulā thā

teri jab nind ka daftar khula tha

yaqinan ek ek manzar khula tha

use tum chand se tashbih dena

ki us ke hath mein KHanjar khula tha

suna diwar-o-dar kya kah rahe hain

hamari piTh par nashtar khula tha

nahin ki tang thin apni qabaen

tumhaare jism ka paikar khula tha

badalte mausamon ki tan TuTi

ghaTaon par mera saghar khula tha

pari-paikar se jab bhi baat hoti

maze ki baat hai aksar khula tha

kisi ke hath soe the sirhane

kisi ke hath mein KHanjar khula tha

uDanen jab bhi thin mahdud 'khullar'

hamare nam ka shah-par khula tha