tujhe bhi chain na aae qarar ko tarse

tujhe bhī chain na aa.e qarār ko tarse

chaman meñ rah ke chaman kī bahār ko tarse

ilāhī barq vo TuuTe jamāl par tere

kalī kī tarah se tū bhī nikhār ko tarse

tamām umr rahe merā muntazir tū bhī

tamām umr mire intizār ko tarse

na ho nasīb mohabbat kī zindagī tujh ko

sukūn-e-zīst ko DhūñDe qarār ko tarse

duā hai 'qaisar'-e-mahjūr kī yahī paiham

ki tū bhī jalva-e-ruḳhsār-e-yār ko tarse

tujhe bhi chain na aae qarar ko tarse

chaman mein rah ke chaman ki bahaar ko tarse

ilahi barq wo TuTe jamal par tere

kali ki tarah se tu bhi nikhaar ko tarse

tamam umr rahe mera muntazir tu bhi

tamam umr mere intizar ko tarse

na ho nasib mohabbat ki zindagi tujh ko

sukun-e-zist ko DhunDe qarar ko tarse

dua hai 'qaisar'-e-mahjur ki yahi paiham

ki tu bhi jalwa-e-ruKHsar-e-yar ko tarse