tumhaari muntazir yun to hazaron ghar banati hun

tumhārī muntazir yuuñ to hazāroñ ghar banātī huuñ

vo rasta bante jaate haiñ kuchh itne dar banātī huuñ

jo saarā din mire ḳhvāboñ ko reza reza karte haiñ

maiñ un lamhoñ ko sī kar raat kā bistar banātī huuñ

hamāre daur meñ raqqāsa ke paañv nahīñ hote

adhūre jism likhtī huuñ ḳhamīda sar banātī huuñ

samundar aur sāhil pyaas kī zinda alāmat haiñ

unheñ maiñ tishnagī kī had ko bhī chhū kar banātī huuñ

maiñ jazboñ se taḳhayyul ko nirālī vus.ateñ de kar

kabhī dhartī bichhātī huuñ kabhī ambar banātī huuñ

mire jazboñ ko ye lafzoñ kī bandish maar detī hai

kisī se kyā kahūñ kyā zaat ke andar banātī huuñ

tumhaari muntazir yun to hazaron ghar banati hun

wo rasta bante jate hain kuchh itne dar banati hun

jo sara din mere KHwabon ko reza reza karte hain

main un lamhon ko si kar raat ka bistar banati hun

hamare daur mein raqqasa ke panw nahin hote

adhure jism likhti hun KHamida sar banati hun

samundar aur sahil pyas ki zinda alamat hain

unhen main tishnagi ki had ko bhi chhu kar banati hun

main jazbon se taKHayyul ko nirali wusaten de kar

kabhi dharti bichhati hun kabhi ambar banati hun

mere jazbon ko ye lafzon ki bandish mar deti hai

kisi se kya kahun kya zat ke andar banati hun