tumhaari yaad mein hum jashn-e-gham manaen bhi

Kishwar Naheed

tumhaari yaad mein hum jashn-e-gham manaen bhi

Kishwar Naheed

MORE BYKishwar Naheed

    tumhārī yaad meñ ham jashn-e-ġham manā.eñ bhī

    kisī tarah se magar tum ko yaad aa.eñ bhī

    chhalak paḌte haiñ ḳhud gulāb āñkhoñ ke

    vo paas aa.eñ to ye dāstāñ sunā.īñ bhī

    har ek lamha yahī bekalī hai dil meñ

    ki un ko yaad kareñ un ko bhuul jaa.eñ bhī

    javān gehūñ ke khetoñ ko dekh kar ro deñ

    vo laḌkiyāñ ki jinheñ bhuul baiThīñ maa.eñ bhī

    tamām umr yūñhī ratjagoñ se kyā hāsil

    unheñ bhulā.eñ zarā niiñd ko bulā.eñ bhī

    sukūn miltā hai jaltī huī dopahroñ meñ

    banī haiñ marham-e-dil dhuup shuā.eñ bhī

    ravā-ravī meñ hai har ek sohbat-e-yārāñ

    mileñ sakūñ se to qisse tire sunā.eñ bhī

    vo jin ke zikr se 'nāhīd' zindagī hai hasīñ

    vo log aa.eñ to āñkhoñ pe ham biThā.eñ bhī

    tumhaari yaad mein hum jashn-e-gham manaen bhi

    kisi tarah se magar tum ko yaad aaen bhi

    chhalak hi paDte hain KHud hi gulab aankhon ke

    wo pas aaen to ye dastan sunain bhi

    har ek lamha yahi bekali si hai dil mein

    ki un ko yaad karen un ko bhul jaen bhi

    jawan gehun ke kheton ko dekh kar ro den

    wo laDkiyan ki jinhen bhul baiThin maen bhi

    tamam umr yunhi ratjagon se kya hasil

    unhen bhulaen zara nind ko bulaen bhi

    sukun milta hai jalti hui dopahron mein

    bani hain marham-e-dil dhup ki shuaen bhi

    rawa-rawi mein hai har ek sohbat-e-yaran

    milen sakun se to qisse tere sunaen bhi

    wo jin ke zikr se 'nahid' zindagi hai hasin

    wo log aaen to aankhon pe hum biThaen bhi

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY