usko jate hue dekha tha pukara tha kahan
us ko jaate hue dekhā thā pukārā thā kahāñ
rokte kis tarah vo shaḳhs hamārā thā kahāñ
thī kahāñ rabt meñ us ke bhī kamī koī magar
maiñ use pyārā thā par jaan se pyārā thā kahāñ
be-sabab hī nahīñ murjhā.e the jazboñ ke gulāb
tū ne chhū kar ġham-e-hastī ko nikhārā thā kahāñ
biich mañjhdār meñ the is liye ham paar lage
Dūbne ke liye koī bhī kinārā thā kahāñ
āḳhir-e-shab mirī palkoñ pe sitāre the ka.ī
lekin aane kā tire koī ishārā thā kahāñ
ye tamannā thī ki ham us pe luTā deñ hastī
ai 'ziyā' us ko magar itnā gavārā thā kahāñ
us ko jate hue dekha tha pukara tha kahan
rokte kis tarah wo shaKHs hamara tha kahan
thi kahan rabt mein us ke bhi kami koi magar
main use pyara tha par jaan se pyara tha kahan
be-sabab hi nahin murjhae the jazbon ke gulab
tu ne chhu kar gham-e-hasti ko nikhaara tha kahan
bich manjhdar mein the is liye hum par lage
Dubne ke liye koi bhi kinara tha kahan
aaKHir-e-shab meri palkon pe sitare the kai
lekin aane ka tere koi ishaara tha kahan
ye tamanna thi ki hum us pe luTa den hasti
ai 'ziya' us ko magar itna gawara tha kahan
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
