usi ke qurb mein rah kar hari bhari hui hai
usī ke qurb meñ rah kar harī bharī huī hai
sahāre peḌ ke ye bel jo khaḌī huī hai
abhī se chhoTī huī jā rahī haiñ dīvāreñ
abhī to beTī zarā sī mirī baḌī huī hai
banā ke ghoñsla chiḌiyā shajar kī bāñhoñ meñ
na jaane kis liye āñdhī se Darī huī hai
abhī to pahle safar kī thakan hai paañv meñ
ki phir se juutī pe juutī mirī paḌī huī hai
na.ī rutoñ ke muqaddas bulāve to haiñ magar
salīb vādoñ kī jo rah meñ ik gaḌī huī hai
maiñ haath bāñdhe hue lauT aa.ī huuñ ghar meñ
ki mere pars meñ ik aarzū marī huī hai
agar bichhaḌne kā us se koī malāl nahīñ
'shabānā' ashk se phir aañkh kyuuñ bharī huī hai
usi ke qurb mein rah kar hari bhari hui hai
sahaare peD ke ye bel jo khaDi hui hai
abhi se chhoTi hui ja rahi hain diwaren
abhi to beTi zara si meri baDi hui hai
bana ke ghonsla chiDiya shajar ki banhon mein
na jaane kis liye aandhi se Dari hui hai
abhi to pahle safar ki thakan hai panw mein
ki phir se juti pe juti meri paDi hui hai
nai ruton ke muqaddas bulawe to hain magar
salib wadon ki jo rah mein ek gaDi hui hai
main hath bandhe hue lauT aai hun ghar mein
ki mere pars mein ek aarzu mari hui hai
agar bichhaDne ka us se koi malal nahin
'shabana' ashk se phir aankh kyun bhari hui hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
