uTh subh hui murgh-e-chaman naghma-e-sara dekh

uTh sub.h huī murġh-e-chaman naġhma-e-sarā dekh

nūr-e-sahar-o-husn-e-gul-o-lutf-e-havā dekh

do-chār farishtoñ pe balā aa.egī nā-haq

ai ġhairat-e-nāhīd na ho naġhma-sarā dekh

minnat se manāte haiñ mujhe maiñ nahīñ mantā

auza-e-malak dekh aur atvār-e-gadā dekh

gar bul-havasī yuuñ tujhe bāvar nahīñ aatī

ik martaba aġhyār ke qaabū meñ tū aa dekh

itnī na baḌhā pākī-e-dāmāñ kī hikāyat

dāman ko zarā dekh zarā band-e-qabā dekh

ik dam ke na milne pe nahīñ milte haiñ mujh se

ai 'shefta' māyūsī-e-ummīd-e-fazā dekh

uTh subh hui murgh-e-chaman naghma-e-sara dekh

nur-e-sahar-o-husn-e-gul-o-lutf-e-hawa dekh

do-chaar farishton pe bala aaegi na-haq

ai ghairat-e-nahid na ho naghma-sara dekh

minnat se manate hain mujhe main nahin manta

auza-e-malak dekh aur atwar-e-gada dekh

gar bul-hawasi yun tujhe bawar nahin aati

ek martaba aghyar ke qabu mein tu aa dekh

itni na baDha paki-e-daman ki hikayat

daman ko zara dekh zara band-e-qaba dekh

ek dam ke na milne pe nahin milte hain mujh se

ai 'shefta' mayusi-e-ummid-e-faza dekh