uThi nigah to apne hi ru-ba-ru hum the

uThī nigāh to apne hī rū-ba-rū ham the

zamīn ā.ina-ḳhāna thī chār-sū ham the

dinoñ ke baa'd achānak tumhārā dhyān aayā

ḳhudā kā shukr ki us vaqt bā-vazū ham the

vo ā.īna to nahīñ thā par ā.īne sā thā

vo ham nahīñ the magar yaar hū-ba-hū ham the

zamīñ pe laḌte hue āsmāñ ke narġhe meñ

kabhī kabhī koī dushman kabhū kabhū ham the

hamārā zikr bhī ab jurm ho gayā hai vahāñ

dinoñ kī baat hai mahfil kī aabrū ham the

ḳhayāl thā ki ye pathrāv rok deñ chal kar

jo hosh aayā to dekhā lahū lahū ham the

uThi nigah to apne hi ru-ba-ru hum the

zamin aaina-KHana thi chaar-su hum the

dinon ke ba'd achanak tumhaara dhyan aaya

KHuda ka shukr ki us waqt ba-wazu hum the

wo aaina to nahin tha par aaine sa tha

wo hum nahin the magar yar hu-ba-hu hum the

zamin pe laDte hue aasman ke narghe mein

kabhi kabhi koi dushman kabhu kabhu hum the

hamara zikr bhi ab jurm ho gaya hai wahan

dinon ki baat hai mahfil ki aabru hum the

KHayal tha ki ye pathraw rok den chal kar

jo hosh aaya to dekha lahu lahu hum the