walihana mere dil mein meri jaan mein aa ja

vālihāna mire dil meñ mirī jaañ meñ aa jā

mere īmāñ meñ mire vahm-o-gumāñ meñ aa jā

muuñd in āñkhoñ ko sāhab nazrāñ meñ aa jā

hadd-e-nazārgī-e-kaun-o-makāñ meñ aa jā

āyat-e-rahmat-e-yazdāñ kī tarah dil meñ utar

ek ik lafz meñ ek ek bayāñ meñ aa jā

tujhe siine se lagā luuñ tujhe dil meñ rakh luuñ

dard kī chhāñv meñ zaḳhmoñ kī amaañ meñ aa jā

kuchh to īmā-e-karam ho nigah-e-zaḳhm-navāz

ab ke abrū-e-kashīda kī kamāñ meñ aa jā

raunaq-e-jāñ na sahī sūrat-e-āseb sahī

mere ujḌe hue tārīk makāñ meñ aa jā

hai tamannā-e-sukūñ dil ko to 'qaisī' kī tarah

halqa-e-dard-e-mohabbat-zadagāñ meñ aa jā

walihana mere dil mein meri jaan mein aa ja

mere iman mein mere wahm-o-guman mein aa ja

mund in aankhon ko sahab nazran mein aa ja

hadd-e-nazargi-e-kaun-o-makan mein aa ja

aayat-e-rahmat-e-yazdan ki tarah dil mein utar

ek ek lafz mein ek ek bayan mein aa ja

tujhe sine se laga lun tujhe dil mein rakh lun

dard ki chhanw mein zaKHmon ki aman mein aa ja

kuchh to ima-e-karam ho nigah-e-zaKHm-nawaz

ab ke abru-e-kashida ki kaman mein aa ja

raunaq-e-jaan na sahi surat-e-aseb sahi

mere ujDe hue tarik makan mein aa ja

hai tamanna-e-sukun dil ko to 'qaisi' ki tarah

halqa-e-dard-e-mohabbat-zadagan mein aa ja