wahi mohtaram rahe shahr mein jo tafawuton mein lage rahe

vahī mohtaram rahe shahr meñ jo tafāvutoñ meñ lage rahe

jinheñ pās-e-izzat-e-harf thā vo riyāzatoñ meñ lage rahe

unheñ tum darāzi-e-umar kī nahīñ, hausle kī duā.eñ do

vo jo ek nisbat-e-be-amāñ kī hifāzatoñ meñ lage rahe

mire haath meñ tire naam kī vo lakīr miTtī chalī ga.ī

mire chāra-gar mire dard kī hī vazāhatoñ meñ lage rahe

unheñ be-yaqīnī-e-sub.h kī maiñ dalīl duuñ bhī to kis tarah

vo jo ibtidā meñ hī intihā kī zamānatoñ meñ lage rahe

tirī hairateñ tirī aañkh meñ hī tamām umr paḌī rahīñ

tirī shā.erī ke sabhī hunar to shikāyatoñ meñ lage rahe

wahi mohtaram rahe shahr mein jo tafawuton mein lage rahe

jinhen pas-e-izzat-e-harf tha wo riyazaton mein lage rahe

unhen tum daraazi-e-umar ki nahin, hausle ki duaen do

wo jo ek nisbat-e-be-aman ki hifazaton mein lage rahe

mere hath mein tere nam ki wo lakir miTti chali gai

mere chaara-gar mere dard ki hi wazahaton mein lage rahe

unhen be-yaqini-e-subh ki main dalil dun bhi to kis tarah

wo jo ibtida mein hi intiha ki zamanaton mein lage rahe

teri hairaten teri aankh mein hi tamam umr paDi rahin

teri shaeri ke sabhi hunar to shikayaton mein lage rahe