waqt be-rahm hai maqtal ki zaminon jaisa

Akhtar Shahjahanpuri

waqt be-rahm hai maqtal ki zaminon jaisa

Akhtar Shahjahanpuri

MORE BYAkhtar Shahjahanpuri

    vaqt be-rahm hai maqtal zamīnoñ jaisā

    aur hamdard hai muḳhlis duāoñ jaisā

    koī manzar nahīñ barsāt ke mausam meñ bhī

    us zulfoñ se phisaltī huī dhūpoñ jaisā

    ābloñ tarah rahne na diyā ashkoñ ko

    merī palkoñ ne kiyā kaam babūloñ jaisā

    sañg-dil hai na farebī na jafākār hai vo

    merā mahbūb hai ma.asūm farishtoñ jaisā

    maiñ to insān huuñ tum jaisā huuñ Thahro logo

    mujh pe ilzām lagāo na rasūloñ jaisā

    zehn se mahv hue guzrā zamāna 'aḳhtar'

    ek chehra hai magar ab bhī gulāboñ jaisā

    waqt be-rahm hai maqtal ki zaminon jaisa

    aur hamdard hai muKHlis ki duaon jaisa

    koi manzar nahin barsat ke mausam mein bhi

    us ki zulfon se phisalti hui dhupon jaisa

    aablon ki tarah rahne na diya ashkon ko

    meri palkon ne kiya kaam babulon jaisa

    sang-dil hai na farebi na jafakar hai wo

    mera mahbub hai masum farishton jaisa

    main to insan hun tum jaisa hun Thahro logo

    mujh pe ilzam lagao na rasulon jaisa

    zehn se mahw hue guzra zamana 'aKHtar'

    ek chehra hai magar ab bhi gulabon jaisa

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY