wo aks-e-dil-e-ashna chhoD aae

vo aks-e-dil-e-āshnā chhoḌ aa.e

kahīñ bhī jo naqsh-e-vafā chhoḌ aa.e

jahāñ ahl-e-ġham naqsh-e-pā chhoḌ aa.e

diloñ ke liye rahnumā chhoḌ aa.e

ujālā diloñ meñ na jab kar sake ham

tamannā kā jaltā diyā chhoḌ aa.e

jo the kushta-e-dard un ke liye ham

nahīñ kuchh to dil kī duā chhoḌ aa.e

'farāz' is tarah zindagī hai gizārī

ki goyā koī hādsa chhoḌ aa.e

wo aks-e-dil-e-ashna chhoD aae

kahin bhi jo naqsh-e-wafa chhoD aae

jahan ahl-e-gham naqsh-e-pa chhoD aae

dilon ke liye rahnuma chhoD aae

ujala dilon mein na jab kar sake hum

tamanna ka jalta diya chhoD aae

jo the kushta-e-dard un ke liye hum

nahin kuchh to dil ki dua chhoD aae

'faraaz' is tarah zindagi hai gizari

ki goya koi hadsa chhoD aae