wo apni zat mein gum tha nahin khula mere sath
vo apnī zaat meñ gum thā nahīñ khulā mire saath
rahā hai saath mire par nahīñ rahā mire saath
ye terī yaad kā e.ajāz hī to hai ki ye dil
maiñ jal ke raakh huā huuñ nahīñ jalā mire saath
tire ḳhilāf kiyā jab bhī ehtijāj ai dost
mirā vajūd bhī shāmil nahīñ huā mire saath
mirā jo rasta thā dar-asl rāsta thā vahī
ye aur baat zamāna nahīñ chalā mire saath
nibhā sakā na ta.alluq koī bhī maiñ 'fartāsh'
yahāñ hai kaun ki jis ko nahīñ gila mire saath
wo apni zat mein gum tha nahin khula mere sath
raha hai sath mere par nahin raha mere sath
ye teri yaad ka eajaz hi to hai ki ye dil
main jal ke rakh hua hun nahin jala mere sath
tere KHilaf kiya jab bhi ehtijaj ai dost
mera wajud bhi shamil nahin hua mere sath
mera jo rasta tha dar-asl rasta tha wahi
ye aur baat zamana nahin chala mere sath
nibha saka na talluq koi bhi main 'fartash'
yahan hai kaun ki jis ko nahin gila mere sath
- Book : Ghazal Calendar-2015 (Pg. 08.10.2015)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
