wo jo sab ka bahut chahita tha

vo jo sab kā bahut chahītā thā

qabr kī sā.atoñ meñ tanhā thā

jis ne duniyā ko ḳhuub dekhā thā

us kī āñkhoñ meñ qahqaha sā thā

rañj kyā ḳhvāb ke bikharne kā

kuchh na thā ret kā gharauñdā thā

us ke āñgan meñ raushnī thī magar

ghar ke andar baḌā añdherā thā

vo bhī pathrā ke rah gayā āḳhir

us kī āñkhoñ meñ jo saverā thā

ek piñjrā udaas tanhā.ī

us ne kyā kyā ḳhudā se māñgā thā

shāḳh jhulsī huī thī aur us par

ek sahmā huā parinda thā

qahqahoñ kī barāt niklī thī

dard kī chīḳh kaun suntā thā

pul na thā aur sāmne us ke

ek tūfāñ-ba-dosh dariyā thā

ek ḳhushbū kā bāñTne vaalā

gandī bastī kā rahne vaalā thā

dukh meñ āḳhir ye khul gayā 'qaisar'

naam ik maslahat kā rishta thā

wo jo sab ka bahut chahita tha

qabr ki saaton mein tanha tha

jis ne duniya ko KHub dekha tha

us ki aankhon mein qahqaha sa tha

ranj kya KHwab ke bikharne ka

kuchh na tha ret ka gharaunda tha

us ke aangan mein raushni thi magar

ghar ke andar baDa andhera tha

wo bhi pathra ke rah gaya aaKHir

us ki aankhon mein jo sawera tha

ek pinjra udas tanhai

us ne kya kya KHuda se manga tha

shaKH jhulsi hui thi aur us par

ek sahma hua parinda tha

qahqahon ki baraat nikli thi

dard ki chiKH kaun sunta tha

pul na tha aur samne us ke

ek tufan-ba-dosh dariya tha

ek KHushbu ka banTne wala

gandi basti ka rahne wala tha

dukh mein aaKHir ye khul gaya 'qaisar'

nam ek maslahat ka rishta tha