wo KHwab sa paikar hai gul-e-tar ki tarah hai
vo ḳhvāb sā paikar hai gul-e-tar kī tarah hai
āñkhoñ meñ ga.ī shaam ke manzar kī tarah hai
ehsās dilātī hai ye phailī huī ḳhushbū
us ghar kī mohabbat bhī mire ghar kī tarah hai
maiñ ā.īna jaisā huuñ koī toḌ na Daale
har shaḳhs mirī raah meñ patthar kī tarah hai
ik maiñ huuñ ki lahroñ kī tarah chain nahīñ hai
ik vo hai ki ḳhāmosh samundar kī tarah hai
vo jis ne 'ziyā' harf bhī dil meñ na utārā
vo aaj sar-e-bazm suḳhan-var kī tarah hai
wo KHwab sa paikar hai gul-e-tar ki tarah hai
aankhon mein gai sham ke manzar ki tarah hai
ehsas dilati hai ye phaili hui KHushbu
us ghar ki mohabbat bhi mere ghar ki tarah hai
main aaina jaisa hun koi toD na Dale
har shaKHs meri rah mein patthar ki tarah hai
ek main hun ki lahron ki tarah chain nahin hai
ek wo hai ki KHamosh samundar ki tarah hai
wo jis ne 'ziya' harf bhi dil mein na utara
wo aaj sar-e-bazm suKHan-war ki tarah hai
Source:
shahr-e-sanam (Pg. 39)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
