wo mujhe KHak se bahar nahin jaane dete

vo mujhe ḳhaak se bāhar nahīñ jaane dete

dast-e-sāhil se samundar nahīñ jaane dete

sat.h par aa.e hue ban ke kaf o mauj o hubāb

zer-e-dariyā yahī gauhar nahīñ jaane dete

haiñ mirī raah kā patthar mirī āñkhoñ kā hijāb

zaḳhm bāhar ke jo andar nahīñ jaane dete

mujh ko is gumbad-e-be-dar se pare kā bhī hai zauq

ye mire baal mire par nahīñ jaane dete

hadd-e-aflāk pe jā kar to sadā de aayā

magar aflāk se uupar nahīñ jaane dete

wo mujhe KHak se bahar nahin jaane dete

dast-e-sahil se samundar nahin jaane dete

sath par aae hue ban ke kaf o mauj o hubab

zer-e-dariya yahi gauhar nahin jaane dete

hain meri rah ka patthar meri aankhon ka hijab

zaKHm bahar ke jo andar nahin jaane dete

mujh ko is gumbad-e-be-dar se pare ka bhi hai zauq

ye mere baal mere par nahin jaane dete

hadd-e-aflak pe ja kar to sada de aaya

magar aflak se upar nahin jaane dete