wo parde se nikal kar samne jab be-hijab aaya

vo parde se nikal kar sāmne jab be-hijāb aayā

jahān-e-ishq meñ yak-bārgī ik inqalāb aayā

zamīñ ke zarre zarre se numāyāñ ho ga.e jalve

sar-e-gulzār vo rashk-e-qamar jab be-hijāb aayā

mukarrar zindagānī kā mazā ho jā.egā hāsil

dam-e-āḳhir bhī qāsid le ke gur ḳhat kā javāb aayā

muqaddar se mire donoñ ke donoñ bevafā nikle

na umr-e-bevafā palTī na phir jā kar shabāb aayā

vafūr-e-sharm se us āftāb-e-husn ke aage

jahāñ kā har hasīñ Daale hue muñh par naqāb aayā

dil-e-betāb-o-tāqat ko tasallī kuchh huī hāsil

payām us but ke aane kā jo vaqt-e-iztirāb aayā

ajab pur-kaif aalam hai zamāna mast hai 'anvar'

ki un ke chaudhvīñ man meñ nazar rañg-e-sharāb aayā

wo parde se nikal kar samne jab be-hijab aaya

jahan-e-ishq mein yak-bargi ek inqalab aaya

zamin ke zarre zarre se numayan ho gae jalwe

sar-e-gulzar wo rashk-e-qamar jab be-hijab aaya

mukarrar zindagani ka maza ho jaega hasil

dam-e-aKHir bhi qasid le ke gur KHat ka jawab aaya

muqaddar se mere donon ke donon bewafa nikle

na umr-e-bewafa palTi na phir ja kar shabab aaya

wafur-e-sharm se us aaftab-e-husn ke aage

jahan ka har hasin Dale hue munh par naqab aaya

dil-e-betab-o-taqat ko tasalli kuchh hui hasil

payam us but ke aane ka jo waqt-e-iztirab aaya

ajab pur-kaif aalam hai zamana mast hai 'anwar'

ki un ke chaudhwin man mein nazar rang-e-sharab aaya