wo raushni jo shafaq ka libas chhoD gai

vo raushnī jo shafaq kā libās chhoḌ ga.ī

mire liye to vo lamhe udaas chhoḌ ga.ī

bahār dard bharā iqtibās chhoḌ ga.ī

har ik shajar kā badan be-libās chhoḌ ga.ī

ajiib lahar meñ ham ne havā kā saath diyā

ajiib moḌ pe ab ġham-shanās chhoḌ ga.ī

nasīm-e-sub.h guloñ ko gudāz detī rahī

magar diloñ kī fazā ko udaas chhoḌ ga.ī

phir is se uglā safar raushnī kā thā 'tauqīr'

mujhe jahāñ vo sitāra-shanās chhoḌ ga.ī

wo raushni jo shafaq ka libas chhoD gai

mere liye to wo lamhe udas chhoD gai

bahaar dard bhara iqtibas chhoD gai

har ek shajar ka badan be-libas chhoD gai

ajib lahar mein hum ne hawa ka sath diya

ajib moD pe ab gham-shanas chhoD gai

nasim-e-subh gulon ko gudaz deti rahi

magar dilon ki faza ko udas chhoD gai

phir is se ugla safar raushni ka tha 'tauqir'

mujhe jahan wo sitara-shanas chhoD gai