wo saneha hua tha ki bas dil dahal gae!

vo sāneha huā thā ki bas dil dahal ga.e!

ik shab meñ saare shahr ke chehre badal ga.e

nairañgi-e-nazar pas-e-ā.īna ḳhuub thī

bāhar nikal ke dekhā to manzar badal ga.e

miTTī meñ māhtāb kī ḳhushbū kā bhed thā

kis justujū meñ ham lab-e-bām-e-azal ga.e

bārāñ kī iltijāoñ meñ vaqf-e-duā the jo

peḌoñ ke haath dhuup kī zad meñ pighal ga.e

ghulne lagī haiñ jaise rag-e-jāñ meñ ThanDakeñ

kyā dekhte hī dekhte mausam badal ga.e

wo saneha hua tha ki bas dil dahal gae!

ek shab mein sare shahr ke chehre badal gae

nairangi-e-nazar pas-e-aina KHub thi

bahar nikal ke dekha to manzar badal gae

miTTi mein mahtab ki KHushbu ka bhed tha

kis justuju mein hum lab-e-baam-e-azal gae

baran ki iltijaon mein waqf-e-dua the jo

peDon ke hath dhup ki zad mein pighal gae

ghulne lagi hain jaise rag-e-jaan mein ThanDaken

kya dekhte hi dekhte mausam badal gae