aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

wo sau sau aTkhaTon se ghar se bahar do qadam nikle

Bahadur Shah Zafar

wo sau sau aTkhaTon se ghar se bahar do qadam nikle

Bahadur Shah Zafar

MORE BYBahadur Shah Zafar

    vo sau sau aTkhaToñ se ghar se bāhar do qadam nikle

    balā se us gar us meñ kisī muztar dam nikle

    kahāñ aañsū ke qatre ḳhūn-e-dil se haiñ baham nikle

    ye dil meñ jam.a the muddat se kuchh paikān-e-ġham nikle

    mire mazmūn-e-soz-e-dil se ḳhat sab jal gayā merā

    qalam se harf jo nikle sharar yak-qalam nikle

    nikāl ai chāragar shauq se lekin sar-e-paikāñ

    udhar nikle jigar se tiir udhar qālib se dam nikle

    tasavvur se lab-e-la.alīñ ke tere ham agar ro deñ

    to jo laḳht-e-jigar āñkhoñ se nikle ik raqam nikle

    nahīñ Darte agar hoñ laakh zindāñ yaar zindāñ se

    junūn ab to misāl-e-nāla-e-zanjīr ham nikle

    jigar par daaġh lab par dūd-e-dil aur ashk dāman meñ

    tirī mahfil se ham mānind-e-sham.a sub.h-dam nikle

    agar hotā zamāna gesū-e-shab-rañg tere

    mirī shab-dīz saudā ziyāda-tar qadam nikle

    kajī jin tabī.at meñ hai kab hotī vo sīdhī hai

    kaho shāḳh-e-gul-e-tasvīr se kis tarah ḳham nikle

    shumār ik shab kiyā ham ne jo apne dil ke dāġhoñ se

    to anjum charḳh-e-hashtum ke bahut se un se kam nikle

    ḳhudā ke vāste zāhid uThā parda na kaabe

    kahīñ aisā na ho yaañ bhī vahī kāfir-sanam nikle

    tamannā hai ye dil meñ jab talak hai dam meñ dam apne

    'zafar' muñh se hamāre naam us dam-ba-dam nikle

    wo sau sau aTkhaTon se ghar se bahar do qadam nikle

    bala se us ki gar us mein kisi muztar ka dam nikle

    kahan aansu ke qatre KHun-e-dil se hain baham nikle

    ye dil mein jama the muddat se kuchh paikan-e-gham nikle

    mere mazmun-e-soz-e-dil se KHat sab jal gaya mera

    qalam se harf jo nikle sharar hi yak-qalam nikle

    nikal ai chaaragar tu shauq se lekin sar-e-paikan

    udhar nikle jigar se tir udhar qalib se dam nikle

    tasawwur se lab-e-lalin ke tere hum agar ro den

    to jo laKHt-e-jigar aankhon se nikle ek raqam nikle

    nahin Darte agar hon lakh zindan yar zindan se

    junun ab to misal-e-nala-e-zanjir hum nikle

    jigar par dagh lab par dud-e-dil aur ashk daman mein

    teri mahfil se hum manind-e-shama subh-dam nikle

    agar hota zamana gesu-e-shab-rang ka tere

    meri shab-diz sauda ka ziyaada-tar qadam nikle

    kaji jin ki tabiat mein hai kab hoti wo sidhi hai

    kaho shaKH-e-gul-e-taswir se kis tarah KHam nikle

    shumar ek shab kiya hum ne jo apne dil ke daghon se

    to anjum charKH-e-hashtum ke bahut se un se kam nikle

    KHuda ke waste zahid uTha parda na kabe ka

    kahin aisa na ho yan bhi wahi kafir-sanam nikle

    tamanna hai ye dil mein jab talak hai dam mein dam apne

    'zafar' munh se hamare nam us ka dam-ba-dam nikle

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now