wo shaKHs jo nazar aata tha har kisi ki tarah
vo shaḳhs jo nazar aatā thā har kisī kī tarah
hisār toḌ ke niklā hai raushnī kī tarah
sadā meñ Dhal ke laboñ tak jo harf aayā thā
ab us kā zahr bhī Dastā hai ḳhāmushī kī tarah
ye saal tūl-e-masāfat se chuur chuur gayā
ye ek saal to guzrā hai ik sadī kī tarah
tumhī koī shajar-e-sāya-dār DhūñD rakho
ki vo to apne liye bhī hai ajnabī kī tarah
ye ahd TuuT rahā hai na.e ufuq ke liye
hayāt Daal chukī hai ḳhud-āgahī kī tarah
wo shaKHs jo nazar aata tha har kisi ki tarah
hisar toD ke nikla hai raushni ki tarah
sada mein Dhal ke labon tak jo harf aaya tha
ab us ka zahr bhi Dasta hai KHamushi ki tarah
ye sal tul-e-masafat se chur chur gaya
ye ek sal to guzra hai ek sadi ki tarah
tumhi koi shajar-e-saya-dar DhunD rakho
ki wo to apne liye bhi hai ajnabi ki tarah
ye ahd TuT raha hai nae ufuq ke liye
hayat Dal chuki hai KHud-agahi ki tarah
- Book : Range-e-Gazal (Pg. 123)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
