wusat-e-bahr-e-ishq kya kahiye
wusat-e-bahr-e-ishq kya kahiye
Sardar Genda Singh Mashriqi
MORE BYSardar Genda Singh Mashriqi
vus.at-e-bahr-e-ishq kyā kahiye
ibtidā ho to intihā kahiye
tere jaur-o-jafā ko kyā kahiye
naaz kahiye unheñ adā kahiye
us sitamgar ko or kyā kahiye
saare jhūToñ kā peshvā kahiye
pūchhnā chāhiye tabīboñ se
dard-e-dil kī hai ye davā kahiye
ham bhī muñh meñ zabān rakhte haiñ
kuchh samajh kar burā bhalā kahiye
ġhairoñ ke sāmne bulā ke mujhe
kahte haiñ dil kā mudda.ā kahiye
na koī yaar hai na hai ġham-ḳhvār
kis se ab dil kā mājrā kahiye
piite haiñ jo sharāb masjid meñ
aise logoñ ko pārsā kahiye
sharm kyā hai mujhe jo kahnā ho
sāmne sab ke barmalā kahiye
vo jafā-gar falak sitamgar hai
kise achchhā kise burā kahiye
ġhair saath aap ke maze lūTeñ
ham uThā.eñ jafā.eñ kyā kahiye
bhuul kar le gayā sū-e-manzil
aise rahzan ko rahnumā kahiye
chaar agar yaar haiñ to das dushman
raaz dil kā na jā-ba-jā kahiye
jaan se gar gayā koī āshiq
ishq kī is ko ibtidā kahiye
kyā yahī shart hai mohabbat kī
be-vafāoñ ko bā-vafā kahiye
shaiḳh piite haiñ jo mai-e-ulfat
us ko kis tarah nāravā kahiye
dil kā siine kā aur jigar kā haal
hai ye vājib judā judā kahiye
haal sunte nahīñ mirā na suno
apne dil kā to mājrā kahiye
'mashriqī' chhoḌiye butoñ kā zikr
sub.h uTh kar ḳhudā ḳhudā kahiye
wusat-e-bahr-e-ishq kya kahiye
ibtida ho to intiha kahiye
tere jaur-o-jafa ko kya kahiye
naz kahiye unhen ada kahiye
us sitamgar ko or kya kahiye
sare jhuTon ka peshwa kahiye
puchhna chahiye tabibon se
dard-e-dil ki hai ye dawa kahiye
hum bhi munh mein zaban rakhte hain
kuchh samajh kar bura bhala kahiye
ghairon ke samne bula ke mujhe
kahte hain dil ka muddaa kahiye
na koi yar hai na hai gham-KHwar
kis se ab dil ka majra kahiye
pite hain jo sharab masjid mein
aise logon ko parsa kahiye
sharm kya hai mujhe jo kahna ho
samne sab ke barmala kahiye
wo jafa-gar falak sitamgar hai
kise achchha kise bura kahiye
ghair sath aap ke maze luTen
hum uThaen jafaen kya kahiye
bhul kar le gaya su-e-manzil
aise rahzan ko rahnuma kahiye
chaar agar yar hain to das dushman
raaz dil ka na ja-ba-ja kahiye
jaan se gar gaya koi aashiq
ishq ki is ko ibtida kahiye
kya yahi shart hai mohabbat ki
be-wafaon ko ba-wafa kahiye
shaiKH pite hain jo mai-e-ulfat
us ko kis tarah narawa kahiye
dil ka sine ka aur jigar ka haal
hai ye wajib juda juda kahiye
haal sunte nahin mera na suno
apne dil ka to majra kahiye
'mashriqi' chhoDiye buton ka zikr
subh uTh kar KHuda KHuda kahiye
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
