یاد اشکوں میں بہا دی ہم نے
یاد اشکوں میں بہا دی ہم نے
آ کہ ہر بات بھلا دی ہم نے
گلشن دل سے گزرنے کے لیے
غم کو رفتار صبا دی ہم نے
اب اسی آگ میں جلتے ہیں جسے
اپنے دامن سے ہوا دی ہم نے
دن اندھیروں کی طلب میں گزرا
رات کو شمع جلا دی ہم نے
رہگزر بجتی ہے پائل کی طرح
کس کی آہٹ کو صدا دی ہم نے
قصر معنی کے مکیں تھے پھر بھی
طے نہ کی لفظ کی وادی ہم نے
غم کی تشریح بہت مشکل تھی
اپنی تصویر دکھا دی ہم نے
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
