yan muddai apna kise ai yar na dekha

yaañ mudda.ī apnā kise ai yaar na dekhā

hai koī jise terā talabgār na dekhā

sotoñ ko jagāyā mire naale ne adam ke

par tāl-e-ḳhvābīda ko bedār na dekhā

kal bazm meñ sab par nigah-e-lutf-o-karam thī

ik merī taraf tū ne sitamgār na dekhā

juz chashm-e-butāñ mai-kada-e-dahr meñ 'joshish'

ham ne to kisī mast ko hoshyār na dekhā

yan muddai apna kise ai yar na dekha

hai koi jise tera talabgar na dekha

soton ko jagaya mere nale ne adam ke

par tal-e-KHwabida ko bedar na dekha

kal bazm mein sab par nigah-e-lutf-o-karam thi

ek meri taraf tu ne sitamgar na dekha

juz chashm-e-butan mai-kada-e-dahr mein 'joshish'

hum ne to kisi mast ko hoshyar na dekha