yaqin ho to koi rasta nikalta hai
yaqīn ho to koī rāsta nikaltā hai
havā kī oT bhī le kar charāġh jaltā hai
safar meñ ab ke ye tum the ki ḳhush-gumānī thī
yahī lagā ki koī saath saath chaltā hai
ġhilāf-e-gul meñ kabhī chāndnī ke parde meñ
sunā hai bhes badal kar bhī vo nikaltā hai
likhūñ vo naam to kāġhaz pe phuul khilte haiñ
karūñ ḳhayāl to paikar kisī kā Dhaltā hai
ravāñ-davāñ hai udhar hī tamām ḳhalq-e-ḳhudā
vo ḳhush-ḳhirām jidhar sair ko nikaltā hai
ummīd o yaas kī rut aatī jaatī rahtī hai
magar yaqīn kā mausam nahīñ badaltā hai
yaqin ho to koi rasta nikalta hai
hawa ki oT bhi le kar charagh jalta hai
safar mein ab ke ye tum the ki KHush-gumani thi
yahi laga ki koi sath sath chalta hai
ghilaf-e-gul mein kabhi chandni ke parde mein
suna hai bhes badal kar bhi wo nikalta hai
likhun wo nam to kaghaz pe phul khilte hain
karun KHayal to paikar kisi ka Dhalta hai
rawan-dawan hai udhar hi tamam KHalq-e-KHuda
wo KHush-KHiram jidhar sair ko nikalta hai
ummid o yas ki rut aati jati rahti hai
magar yaqin ka mausam nahin badalta hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
