ye dosti ka taqaza hai isko dhyan mein rakh
ye dostī kā taqāzā hai is ko dhyān meñ rakh
hamesha fāsla thoḌā sā darmiyān meñ rakh
badalne vaalā hai ḳhurshīd-tāb kā mausam
to koī der abhī ḳhud ko sā.ebān meñ rakh
safīna ḳhud hī tirā jā lagegā sāhil se
havā lapeT ke thoḌī sī bādbān meñ rakh
subūt apnī shujā.at kā tujh ko denā hai
shikasta tiir kaḌaktī huī kamān meñ rakh
tire suḳhan ke sadā log hoñge girvīda
miThās urdu kī thoḌī bahut zabān meñ rakh
'mubārak' aur kahīñ par panāh-gāh na DhūñD
tū apne aap ko allāh kī amaan meñ rakh
ye dosti ka taqaza hai is ko dhyan mein rakh
hamesha fasla thoDa sa darmiyan mein rakh
badalne wala hai KHurshid-tab ka mausam
to koi der abhi KHud ko saeban mein rakh
safina KHud hi tera ja lagega sahil se
hawa lapeT ke thoDi si baadban mein rakh
subut apni shujaat ka tujh ko dena hai
shikasta tir kaDakti hui kaman mein rakh
tere suKHan ke sada log honge girwida
miThas urdu ki thoDi bahut zaban mein rakh
'mubarak' aur kahin par panah-gah na DhunD
tu apne aap ko allah ki aman mein rakh
Source:
aagahi Ka Teesha (Pg. 54)
- Author: Mubarak Ansari
-
- Edition: 2006
- Publisher: Mubarak Ansari
- Year of Publication: 2006
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
