ye gham phir se ubharta ja raha hai

ye ġham phir se ubhartā jā rahā hai

mujhe hairān kartā jā rahā hai

sunā me.ayār girtā jā rahā hai

magar banda nikhartā jā rahā hai

mujhe ye kyā huā hai kuchh dinoñ se

tirā ehsās martā jā rahā hai

amaañ is ḳhvāb ko bhī kyā kaheñ ab

bikharnā thā bikhartā jā rahā hai

tirā ḳhāmoshiyoñ ko vaqt denā

sadāoñ ko akhartā jā rahā hai

hamīñ ne hī use rasta diyā thā

hamīñ pe paañv dhartā jā rahā hai

purānī dekh kar tasvīr terī

nayā har din guzartā jā rahā hai

maiñ jitnī aur piitā jā rahā huuñ

nasha utnā utartā jā rahā hai

sunā hai 'mīt' ḳhvāboñ se nikal kar

vo āñkhoñ meñ Thahartā jā rahā hai

ye gham phir se ubharta ja raha hai

mujhe hairan karta ja raha hai

suna meayar girta ja raha hai

magar banda nikharta ja raha hai

mujhe ye kya hua hai kuchh dinon se

tera ehsas marta ja raha hai

aman is KHwab ko bhi kya kahen ab

bikharna tha bikharta ja raha hai

tera KHamoshiyon ko waqt dena

sadaon ko akharta ja raha hai

hamin ne hi use rasta diya tha

hamin pe panw dharta ja raha hai

purani dekh kar taswir teri

naya har din guzarta ja raha hai

main jitni aur pita ja raha hun

nasha utna utarta ja raha hai

suna hai 'mit' KHwabon se nikal kar

wo aankhon mein Thaharta ja raha hai