aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

ye jo tanhai mili aankh mein dharne ke liye

Javed Shaheen

ye jo tanhai mili aankh mein dharne ke liye

Javed Shaheen

MORE BYJaved Shaheen

    ye jo tanhā.ī milī aañkh meñ dharne ke liye

    is meñ ik dasht bhī hai mere guzarne ke liye

    jam.a kartī hai mujhe raat bahut mushkil se

    sub.h ko ghar se nikalte bikharne ke liye

    paañv se lipTī milī saarī saarī ye zamīñ

    ye falak puurā milā aañkh meñ dharne ke liye

    aur phir karnā paḌā gosht ko nāḳhun se judā

    ye zarūrī thā kisī zaḳhm ko bharne ke liye

    thī vo ik tez havā ūñchā mujhe le aa.ī

    ab zamīñ tañg lagtī hai utarne ke liye

    baat kaisī bhī ho pal bhar nadāmat ke sivā

    ḳharch aatā hai bhalā kitnā mukarne ke liye

    aur phir aisā huā sāmne mere 'shāhīn'

    jhuuT ke paañv nikal aa.e Thaharne ke liye

    ye jo tanhai mili aankh mein dharne ke liye

    is mein ek dasht bhi hai mere guzarne ke liye

    jama karti hai mujhe raat bahut mushkil se

    subh ko ghar se nikalte hi bikharne ke liye

    panw se lipTi mili sari ki sari ye zamin

    ye falak pura mila aankh mein dharne ke liye

    aur phir karna paDa gosht ko naKHun se juda

    ye zaruri tha kisi zaKHm ko bharne ke liye

    thi wo ek tez hawa uncha mujhe le aai

    ab zamin tang si lagti hai utarne ke liye

    baat kaisi bhi ho pal bhar ki nadamat ke siwa

    KHarch aata hai bhala kitna mukarne ke liye

    aur phir aisa hua samne mere 'shahin'

    jhuT ke panw nikal aae Thaharne ke liye

    Source:

    Ishq e Tamam (Pg. 386)

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now