ye kis ne dur se aawaz di hai
ye kis ne duur se āvāz dī hai
fazāoñ meñ abhī tak naġhmagī hai
sitāre DhūñDte haiñ un kā āñchal
shamīm-e-sub.h dāman chūmtī hai
ta.alluq hai na ab tark-e-ta.alluq
ḳhudā jaane ye kaisī dushmanī hai
ridā-e-zulf meñ guzrī thī ik shab
magar āñkhoñ meñ ab tak niiñd sī hai
mirī taqdīr meñ bal paḌ rahe haiñ
tirī zulfoñ meñ shāyad barhamī hai
ye kis ne dur se aawaz di hai
fazaon mein abhi tak naghmagi hai
sitare DhunDte hain un ka aanchal
shamim-e-subh daman chumti hai
talluq hai na ab tark-e-talluq
KHuda jaane ye kaisi dushmani hai
rida-e-zulf mein guzri thi ek shab
magar aankhon mein ab tak nind si hai
meri taqdir mein bal paD rahe hain
teri zulfon mein shayad barhami hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
