ye shoale aazmana jaante hain

ye sho.ale āzmānā jānte haiñ

so ham dāman bachānā jānte haiñ

ta.alluq jo bhī rakkho soch lenā

ki ham rishta nibhānā jānte haiñ

khanaktī nuqra.ī dilkash hañsī meñ

ham apnā ġham chhupānā jānte haiñ

bulānā hī nahīñ paḌtā hai 'amabar'

ye ġham apnā Thikāna jānte haiñ

ye shoale aazmana jaante hain

so hum daman bachana jaante hain

talluq jo bhi rakkho soch lena

ki hum rishta nibhana jaante hain

khanakti nuqrai dilkash hansi mein

hum apna gham chhupana jaante hain

bulana hi nahin paDta hai 'amabar'

ye gham apna Thikana jaante hain