ye visal o hijr ka masala to meri samajh mein na aa saka

ye visāl o hijr kā mas.ala to mirī samajh meñ na aa sakā

kabhī koī mujh ko na pā sakā kabhī maiñ kisī ko na pā sakā

ka.ī bastiyoñ ko ulaT chukā koī taab is kī na lā sakā

magar āñdhiyoñ kā ye silsila tirā naqsh-e-pā na miTā sakā

mirī dāstāñ bhī ajiib hai vo qadam qadam mire saath thā

jise rāz-e-dil na batā sakā jise dāġh-e-dil na dikhā sakā

na hī bijliyāñ na hī bārisheñ na hī dushmanoñ kī vo sāzisheñ

bhalā kyā sabab hai batā zarā jo tū aaj bhī nahīñ aa sakā

kabhī raushnī kī talab rahī kabhī hausloñ kī kamī rahī

maiñ charāġh ko tire naam ke na jalā sakā na bujhā sakā

vo jo aks rañg-e-'hilāl' thī vo jo aap apnī misāl thī

mujhe aaj tak hai ḳhalish yahī tujhe vo ġhazal na sunā sakā

ye visal o hijr ka masala to meri samajh mein na aa saka

kabhi koi mujh ko na pa saka kabhi main kisi ko na pa saka

kai bastiyon ko ulaT chuka koi tab is ki na la saka

magar aandhiyon ka ye silsila tera naqsh-e-pa na miTa saka

meri dastan bhi ajib hai wo qadam qadam mere sath tha

jise raaz-e-dil na bata saka jise dagh-e-dil na dikha saka

na hi bijliyan na hi barishen na hi dushmanon ki wo sazishen

bhala kya sabab hai bata zara jo tu aaj bhi nahin aa saka

kabhi raushni ki talab rahi kabhi hauslon ki kami rahi

main charagh ko tere nam ke na jala saka na bujha saka

wo jo aks rang-e-'hilal' thi wo jo aap apni misal thi

mujhe aaj tak hai KHalish yahi tujhe wo ghazal na suna saka