yun dard ki shiddat se pukari meri aankhen

yuuñ dard kī shiddat se pukārī mirī āñkheñ

ḳhvāboñ ke bikhar jaane se haarī mirī āñkheñ

palkoñ pe ġham-e-hijr ke sab diip jalā.e

nīñdoñ ke shabistān meñ bhārī mirī āñkheñ

tanhā.ī meñ ik ḳhvāb kī lau phuuT rahī hai

bujh saktī nahīñ rañj kī maarī mirī āñkheñ

tum jab se mire aañkh ke hujre meñ makīñ ho

pur-nūr huī aur bhī pyārī mirī āñkheñ

ye kis kī ziyārat se chhalaktā hai ujālā

is surma-e-manzar ne nikhārī mirī āñkheñ

sapnoñ ke hasīñ taḳht pe haiñ roz-e-azal se

baiThī haiñ banī rāj-kumārī mirī āñkheñ

ye rasm shab-e-ġham se hī ījād huī hai

ashkoñ ke sitāroñ se sañvārī mirī āñkheñ

yun dard ki shiddat se pukari meri aankhen

KHwabon ke bikhar jaane se haari meri aankhen

palkon pe gham-e-hijr ke sab dip jalae

nindon ke shabistan mein bhaari meri aankhen

tanhai mein ek KHwab ki lau phuT rahi hai

bujh sakti nahin ranj ki mari meri aankhen

tum jab se mere aankh ke hujre mein makin ho

pur-nur hui aur bhi pyari meri aankhen

ye kis ki ziyarat se chhalakta hai ujala

is surma-e-manzar ne nikhaari meri aankhen

sapnon ke hasin taKHt pe hain roz-e-azal se

baiThi hain bani raj-kumari meri aankhen

ye rasm shab-e-gham se hi ijad hui hai

ashkon ke sitaron se sanwari meri aankhen