yun dil o jaan ki tauqir mein masruf tha main

yuuñ dil o jaan kī tauqīr meñ masrūf thā maiñ

jaise ajdād kī jāgīr meñ masrūf thā maiñ

tīsha-e-vaqt ne buniyād hilā dī varna

har ghaḌī zaat kī tāmīr meñ masrūf thā maiñ

ḳhvāb dekhā thā mohabbat kā mohabbat kī qasam

phir isī ḳhvāb kī tābīr meñ masrūf thā maiñ

lafz rañgoñ meñ nahā.e hue ghar meñ aa.e

terī āvāz kī tasvīr meñ masrūf thā maiñ

ek ik pal mirī palkoñ meñ simaT aayā hai

ahd-e-gum-gashta kī tahrīr meñ masrūf thā maiñ

ab tire vāste ābād karūñgā duniyā

ek arsa tirī taqdīr meñ masrūf thā maiñ

yun dil o jaan ki tauqir mein masruf tha main

jaise ajdad ki jagir mein masruf tha main

tisha-e-waqt ne buniyaad hila di warna

har ghaDi zat ki tamir mein masruf tha main

KHwab dekha tha mohabbat ka mohabbat ki qasam

phir isi KHwab ki tabir mein masruf tha main

lafz rangon mein nahae hue ghar mein aae

teri aawaz ki taswir mein masruf tha main

ek ek pal meri palkon mein simaT aaya hai

ahd-e-gum-gashta ki tahrir mein masruf tha main

ab tere waste aabaad karunga duniya

ek arsa teri taqdir mein masruf tha main