zaban par aah rahi lab se lab kabhu na mila

zabāñ par aah rahī lab se lab kabhū na milā

tirī talab to milī kyā huā jo tū na milā

badal ke ruup milā vaz.a-e-āmiyāna meñ

libās-e-ḳhās pahan kar vo ḳhūb-rū na milā

vo aarzū se milā jab kuchh aarzū na rahī

na jab talak ga.ī milne kī aarzū na milā

piyāla rū-ba-rū aa.e to ashk-e-ḳhūñ na bahā

sharāb-e-nāb meñ ai chashm-tar lahū na milā

sunā de sāqi-e-daurāñ ko nālā-hā-e-'mazāq'

sipihr-e-ḳhāk meñ mastoñ kī hāv-hū na milā

zaban par aah rahi lab se lab kabhu na mila

teri talab to mili kya hua jo tu na mila

badal ke rup mila waza-e-amiyana mein

libas-e-KHas pahan kar wo KHub-ru na mila

wo aarzu se mila jab kuchh aarzu na rahi

na jab talak gai milne ki aarzu na mila

piyala ru-ba-ru aae to ashk-e-KHun na baha

sharab-e-nab mein ai chashm-tar lahu na mila

suna de saqi-e-dauran ko nala-ha-e-'mazaq'

sipihr-e-KHak mein maston ki haw-hu na mila