zindagi kar gai tufan ke hawale mujhko
zindagī kar ga.ī tūfāñ ke havāle mujh ko
ai ajal kashmakash-e-ġham se chhuḌā le mujh ko
kuchh to le kaam taġhāful se vafā ke paikar
ye tirā pyaar kahīñ maar na Daale mujh ko
vaah rī qismat ki kahāñ manzil-e-maqsūd milī
jab maza dene lage paañv ke chhāle mujh ko
āḳhirī vaqt talak saath añdheroñ ne diyā
raas aate nahīñ duniyā ke ujāle mujh ko
koī bhī mohsin o rahbar hī nahīñ hai merā
yuuñ to 'dānish' haiñ bahut chāhne vaale mujh ko
zindagi kar gai tufan ke hawale mujh ko
ai ajal kashmakash-e-gham se chhuDa le mujh ko
kuchh to le kaam taghaful se wafa ke paikar
ye tera pyar kahin mar na Dale mujh ko
wah ri qismat ki kahan manzil-e-maqsud mili
jab maza dene lage panw ke chhaale mujh ko
aaKHiri waqt talak sath andheron ne diya
ras aate nahin duniya ke ujale mujh ko
koi bhi mohsin o rahbar hi nahin hai mera
yun to 'danish' hain bahut chahne wale mujh ko
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
