zulm sahte rahe shukr karte rahe aai lab tak na ye dastan aaj tak

zulm sahte rahe shukr karte rahe aa.ī lab tak na ye dāstāñ aaj tak

mujh ko hairat rahī anjuman meñ tirī kyuuñ haiñ ḳhāmosh ahl-e-zabāñ aaj tak

ishq mahv-e-ġham-e-zindagī ho gayā husn madhosh-e-ishva-tarāzī rahā

ahl-e-dil hosh meñ aa chuke haiñ magar hai vahī ālam-e-dil-barāñ aaj tak

aise guzre haiñ ahl-e-nazar raah se jin ke qadmoñ se zarre munavvar hue

aur aise munavvar jinheñ dekh kar rashk kartī rahī kahkashāñ aaj tak

kārvānoñ ke rahbar ne rāhzan phir bhī manzil pe kuchh rāh-rau aa ga.e

vo na.e kārvānoñ ke rahbar bane jin se hai azmat-e-rahbarāñ aaj tak

mushkileñ āfateñ hādse sānehe aa.e 'aḳhtar' mirī raah meñ kis qadar

mujh ko aage baḌhātā rahā hai magar merā dil merā azm-e-javāñ aaj tak

zulm sahte rahe shukr karte rahe aai lab tak na ye dastan aaj tak

mujh ko hairat rahi anjuman mein teri kyun hain KHamosh ahl-e-zaban aaj tak

ishq mahw-e-gham-e-zindagi ho gaya husn madhosh-e-ishwa-taraazi raha

ahl-e-dil hosh mein aa chuke hain magar hai wahi aalam-e-dil-baran aaj tak

aise guzre hain ahl-e-nazar rah se jin ke qadmon se zarre munawwar hue

aur aise munawwar jinhen dekh kar rashk karti rahi kahkashan aaj tak

karwanon ke rahbar ne rahzan phir bhi manzil pe kuchh rah-rau aa gae

wo nae karwanon ke rahbar bane jin se hai azmat-e-rahbaran aaj tak

mushkilen aafaten hadse sanehe aae 'aKHtar' meri rah mein kis qadar

mujh ko aage baDhata raha hai magar mera dil mera azm-e-jawan aaj tak