یہ کتاب واصف علی واصف کے چند مضامین پر لکھے گئے انشائیوں پر منحصر ہے۔جس میں الگ الگ عنوان کے تحت انہوں نے بہت ہی خوبصورت انشائیے ترتیب دئے ہیں ۔ زبان کی خوبصورتی لائق تعریف ہے ۔ زبان پر تکلف استعمال کی گئی ہے۔ اس کتاب میں محبت، خوف، صاحب حال، اے ہمدم دیرینہ، صداقت، وعدہ، اسلام، فرقہ صفر، جیسے متعدد مضامین شامل ہیں۔ جن کو پڑھ کر جہاں ایک طرف زبان کا لطف لیا جا سکتا ہے وہیں دوسری طرف معلومات سے روشناس ہوا جا سکتا ہے۔

واصف علی واصف ٭ 15 جنوری 1929ء پاکستان کے مشہور صوفی دانشور، شاعر، ادیب اور کالم نگار واصف علی واصف کی تاریخ پیدائش ہے۔ واصف علی واصف خوشاب میں پیدا ہوئے تھے۔ ان کے مکالموں اور گفتگو کے متعدد مجموعے اشاعت پذیر ہوچکے ہیں جو بے حد مقبول ہوئے ہیں۔ ان کی نثری تصانیف میں کرن کرن سورج، قطرہ قطرہ قلزم، حرف حرف حقیقت، دل دریا سمندر، بات سے بات، دریچے، ذکر حبیب، مکالمہ اور گفتگو شامل ہیں جبکہ ان کے شعری مجموعے شب چراغ، شب زاد اور بھرے بھڑولے کے نام سے اشاعت پذیر ہوئے ہیں۔ واصف علی واصف 18 جنوری 1993ء کو لاہور میں وفات پاگئے اور لاہور ہی میں میانی صاحب کے قبرستان میں آسودۂ خاک ہوئے۔