ساری نظمیں

اشاعت : 001

سن اشاعت : 2011

زبان : Urdu

موضوعات : شاعری

ذیلی زمرہ جات : نظم, کلیات

صفحات : 807

معاون : اجمل کمال

For any query/comment related to this ebook, please contact us at haidar.ali@rekhta.org

کتاب: تعارف

ساری نظمیں‘ ذیشان ساحل کا کلیات ہے جسمیں ان کے آٹھ مجموعے شامل ہیں ۔ریختہ کو اس بات کی خوشی ہے کہ وہ آپ تک اچھی کتابیں پہونچانے میں کامیاب رہا ہے۔ذیشان ساحل نئ نظم کےان شاعروں میں سے ہیں جنہوں نے اپنے عہد کی سیاسی،سماجی اورتہذیبی اتھل پتھل کوایک پرقوت تخلیقی بیانیے میں جذب کرلیاہے،یہ تخلیقی بیانیہ شاعر کے آس پاس پھیلی ہوئی زندگی کی بدصورتی سے تشکیل پاتا ہے۔ہم اس شاعری کو ذیشان ساحل کے عہد کی تخلیقی تاریخ کے طورپر بھی دیکھتے ہیں ۔’جنگ کے دنوں میں ‘ کراچی اوردوسری نظمیں‘ ان مجموعوں کی نظمیں اپنا ایک مضبوط تاریخی حوالہ رکھتی ہیں اور ساتھ ہی شدید ترین تخلیقی اظہارانہیں وقت کی جبریت سے آزاد بھی کرتا ہے۔یہ بات ایک تخلیق کارکی سماجی حسیت کو بھی ظاہرکرتی ہے۔ نظمیں پڑھئے اور ان پر گفتگو کیجئے۔

.....مزید پڑھئے

مصنف: تعارف

٭15 دسمبر 1961ء اردو کے ایک ممتاز شاعر ذی شان ساحل کی تاریخ پیدائش ہے۔ ذی شان ساحل حیدرآباد میں پیدا ہوئے تھے۔ بچپن میں پولیو سے پیر خراب ہوجانے اور کائی فوسکو لیوسیس نامی بیماری کی وجہ سے وہ اپنی تعلیم مکمل نہیں کرپائے۔ اس بیماری کی وجہ سے زندگی کا بڑا حصہ انہوں نے وہیل چیئر پر گزارا۔ 1977ء میں انہوں نے شاعری کو اپنا ذریعہ اظہار بنایا۔ شروع شروع میں انہوں نے کچھ غزلیں بھی لکھیں مگر پھر نثری نظم ان کی پہچان بن گئی۔ ان کی شاعری کے مجموعے ایرینا، چڑیوں کا شور، کہرآلود آسمان کے ستارے، جنگ کے دنوں میں، کراچی اور دوسری نظمیں، ای میل اور دوسری نظمیں، شب نامہ اور دوسری نظمیں اور نیم تاریک محبت کے نام سے شائع ہوئیں۔ ان کی نظموں کا تہمینہ احمد نے انگریزی میں ترجمہ بھی کیا جو On The Outside کے نام سے اشاعت پذیر ہوئیں۔ آخری دنوں میں وہ ایک ناول لکھنے کی تیاری کررہے تھے کہ سانس کی دقت کی وجہ سے 12 اپریل 2008ء کو کراچی میں وفات پاگئے۔وہ کراچی میں وادیٔ حسین کے قبرستان میں آسودۂ خاک ہیں۔

.....مزید پڑھئے

For any query/comment related to this ebook, please contact us at haidar.ali@rekhta.org