ہندوستان ایك كثیر لسانی ملك ہے۔یہاں اسكولوں میں كم از كم تین زبانیں ایك ہی وقت میں ساتھ ساتھ پڑھائی جاتی ہیں۔اس كا نتیجہ یہ ہوتا ہے كہ طلبا كسی ایك زبان میں بھی مہارت حاصل نہیں كرپاتے ۔ایسے طلبا جہاں ذریعہ تعلیم اردو یاہندی ہے ،وہاں طلبہ كو دوسری زبان میں مہارت حاصل كرنے كے لیے ترجمہ كی ضرورت قدم قدم پر پیش آتی ہے۔اسی لیے زیر نظر كتاب"انگریزی ترجمہ كا فن"اسكول كالج كے ان سبھی طلبہ كے لیے لكھی گئی ہےجو اردو سے انگریزی سیكھنے كے خواہش مند ہیں۔یہ كتاب ان طلبہ كے لیے بھی فائدہ مند ہے جو عربی مدارس سے فارغ التحصیل ہونے كے بعد كالج میں ڈگری سطح پر انگریزی بحیثیت ایك مضمون سیکھتے ہیں۔دنیا كے كسی بھی ملك میں رہنے ،بہتر روزگار حاصل كرنے كے لیے ،سائنس و ٹكنالوجی كی مختلف معلومات حاصل كرنے كے لیے انگریزی زبان كا جاننا اور سیكھنا ضروری ہے۔اس كتاب سےطلبہ بطور رہنما و معان گائیڈ مستفید ہوسكتے ہیں۔انگریزی اسكول كے بچے بھی براہ راست انگریزی سیكھنے كے طریقہ سے انگریزی قواعد میں مكمل مہارت حاصل كرسكتے ہیں۔اس كے علاوہ اس میں "گرامر ٹرانسلیشن"طریقہ سے انگریزی سیكھانے كی ایك كوشش كی گئی ہے۔انگریزی جملوں كے سوسے زائد نمونے جو تقریبا پورے انگریزی قواعد كا احاطہ كیے ہوئے ہیں ،جابہ جا مثالوں اور مشقی جملوں میں پیش كیے گئے ہیں۔اس كتاب كا پہلا حصہ انگریزی قواعد پر مبنی ہے جو تالیفی نوعیت كا ہے اور دوسرا حصہ ترجمہ كے فن اور روایت پر مبنی ہے جس میں نظر اور نظم والے اقتباسات كی حل شدہ مثالیں اچھی تعداد میں پیش كی گئی ہیں۔یونیورسٹی میں زیر تعلیم تمام طلبہ كے لیے بھی یہ ایك معاون كتاب ہے جو مخصوص مطالعہ كے تحت فن ترجمہ جیسے موضوع پر ڈگری یا ڈپلومہ كورس كر رہے ہیں۔یہ حصہ تصنیفی نوعیت كا ہے۔تیسرے اور آخری حصے میں غیر حل شدہ اقتباسات مشق كے لیے پیش كیے ہیں۔امید ہے یہ كتاب تعلیمی حلقوں میں ضرورپسندكی جائے گی۔