بہاء اللہ آفندی ایران کے شہر تہران میں پیدا ہوا۔ علی محمد شیرازی ملقب بہ باب کے خیالات سے متاثر تھا اور اس نے بہائی مذہب کی بنیاد ڈالی اور اس کی زور و شور سے تبلیغ کرتا رہا ایران سے اسی اس کے خیالات کی بنا پر جلا وطن کر دیا گیا تھا کیوں کہ اس کا ماننا تھا کہ خدا تعالی ایک نبی مبعوث کرنے والا ہے جو عیسی و موسی اور محمد کی طرح ہی ایک نبی ہوگا جب اسے ایران سے جلا وطن کر دیا گیا تو اس نے بعد میں خود کو ہی وہ نبی بتا کر تبلیغ شروع کر دی جس کے نتیجے میں اسے در در کی ٹھوکریں کھانی پڑیں اور جیل بھی گیا۔ اس کا مذہب پوری دنیا میں عام ہوا اس مذہب کی پرزور مبلغین میں ایک نام قرۃ العین طاہرہ کا بھی ہے جو ایران کی ایک خوبصورت شاعرہ تھی اس کی خوبصورتی اس قدر لبھاونی تھی کہ ایران کے بادشاہ ناصر الدین شاہ نے اس سے شادی کرنے کا پیغام دیا مگر اس نے انکار کر دیا جس کے نتیجے میں اسے بھی ایران سے جلا وطن ہونا پڑا۔ ہندوستان میں اس مذہب کی مقبولیت کا اندازہ اس بات سے لگایا جا سکتا کہ کہ کمل مندر یعنی لوٹس ٹیمپل (دہلی) اسی مذہب کا ایک عبادت خانہ ہے جو ہر خاص و عام کے لئے کھلا رہتا ہے اور زائرین کی بہت بڑی تعداد اسے دیکھنے کے لئے آتی ہے۔