ہر زمانے میں غزل کو فکری و ذہنی اعتبار سے طاقتور قلم کار ملے ہیں۔ بیسویں صدی میں غزل کو محبوب بنانے والوں میں علامہ اقبال جیسا عظیم شاعر شامل تھا ان کے بعد حفیظ، ناصر، فیض، دانش اور قتیل شفائی جیسے عظیم المرتبت شعرا نے غزل کے گیسووں کو سنوارا۔ زیر نظر کتاب "بیسویں صدی میں اردو غزل" عفت زریں کی تصنیف ہے۔ اس کتاب کو چار ابواب میں تقسیم کیا گیا ہے۔ پہلے باب میں شعری اور فکری پس منظر بیان کیا گیا ہے جس کے تحت، ظہیر دہلوی، حالی اور شبلی کی روایت غزل کو پیش کیا گیا ہے۔ دوسرے باب میں بیسویں صدی میں اردو غزل کے نوکلاسکی شعرا کا تذکرہ ہے جس میں امداد امام اثر، نظم طباطبائی، شاد عظیم آبادی، حسرت، اصغر، فامی، یاس، مضطر، ریاض، اثر کھنوی، جگر اور علامہ اقبال کی غزلیہ شاعری کا جائزہ لیا گیا ہے۔ تیسرے باب میں دبستان لکھنؤ و دہلی کی شاعری کی توسیعات پیش کی گئی ہیں۔ اور چوتھے باب میں کلاسکی اور نو کلاسکی شعری روایت کا مجموعی جائزہ پیش کیا گیا ہے۔