دیوان جہاں دار

مصنف: تعارف

نام میرزا جہاں دار شاہ، عرفیت جواں بخت بہادر، ولی عہد حضرت شاہ عالم بادشاہ۔ تقریبا1749 میں پیدا ہوئے۔ابتدائی تعلیم محصور’’ سلاطین‘‘ کے طور پر ہوئی جس میں عربی ،فارسی اور اردو کی تعلیم شامل تھی۔ دلیری اور جواں مردی کا یہ عالم تھا کہ ایک روزشکار گاہ میں ہاتھی بگڑ گیا ۔چاہا کہ سونڈ سے وار کرے ،مگر شہزادے نے مہلت نہ دی اور ایک ہی ضرب میں اس کا کام تمام کردیا۔امرا کی ریشہ دوانیوں سے بد دل ہوکر دہلی چھوڑ کر پہلے لکھنؤ گئے اور بعد میں بنارس چلے گئے۔انگریزوں کے برسراقتدار آنے کے بعد پنشن ہوگئی۔ آصف الدولہ جہاندار شاہ کے مصارف کے کفیل تھے اور تین لاکھ روپیہ سالانہ دینے پر رضامند تھے۔شعرا کے بعد قدردان تھے۔فارسی اور اردو دونوں زبانوں میں شعر کہتے تھے۔موسیقی سے بھی ذوق رکھتے تھے ۔لکھنؤ سے بنارس آکر محفل آرائی کا زور قائم رہا۔جہاندار رنگ رلیاں مناتے رہے اور اپنی انتظامی استعداد کو فراموش کرتے رہے۔ پریشانیوں اور الجھنوں نے جہاندار کو مضمحل کردیا تھا۔ اور ان کا انتقال بنارس میں ہوگیا۔۔دیوان جہاندار کے علاوہ ’’دلی سے فرار کی داستان‘‘ ان کی تصنیف ہے جس کا ترجمہ انگریزی میں بھی ہوا ہے۔

.....مزید پڑھئے

by مرزا جواں بخت جہاں دار