ek chhota sa jahannam

About The Book

زیر تبصرہ کتاب کے مصنف ساجدرشید، افسانہ نگار صحافی،سماجی ورکر،ڈرامہ نگار،اداکار اور کارٹونسٹ ہیں انھوں نے دیگرفنون کے اظہاری وسائل کا بھرپور فائدہ افسانے کی تعمیر میں اٹھایا ہے ۔ساجد رشیدصاحب اپنے افسانوں میں آس پاس بکھری ہوئی سماجی و سیاسی زندگی پر تبصرہ کرتے ہوئے نظر آتے ہیں۔ستّر کے بعد کے افسانہ نگاروں نے جس کہانی پن کی بازیافت کی تھی وہ ساجد رشید کے افسانوں میں ایک تناؤ کی شکل میں ابھرتی ہے اور تجسس کو جنم دیتی ہے۔ساجدرشید کے افسانوں کی قرات کے دوران قاری ناظر میں تبدیل ہو جاتا ہے اور کردار اداکار میں۔ زیر نظر کتاب "ایک چھوٹا سا جہنم" ان کے افسانوں کا مجموعہ ہے ، اس مجموعہ میں جنت میں محل، ایک گم شدہ عورت، چادر والا آدمی اور میں ، اندھیری گلی، زندہ در گور، راکھ،اندھی سیڑھیاں،کالے پروں والے کبوتر ، مکڑیاں، اور "ایک چھوٹا سا جہنم " جیسے افسانے شامل ہیں۔

by Sajid Rasheed