زیر نظر كتاب "تعلیمی مسائل"مسلم ایجوكیشنل كانفرنس لاہور كے اغراض و مقاصد پر مبنی ہے۔ یہ كتاب مسلمانوں كے نظام تعلیم میں جدید علوم كو شامل كرنے كی پرزور حمایت كرتی ہے۔ كانفرنس كے مذاكرہ پر مبنی یہ كتاب جس میں علمائے اكرم اور اساتذہ اكرام كے مذاكرے شامل ہیں۔جس میں قیام پاكستان كے مقاصد پر بھی روشنی ڈالی گئی ہے۔ پاكستان كا حصول اس لیے عزیز تھا كہ مسلمان اپنی تہذیب و تمدن اور اپنی مخصوص روایات ملی كی حفاطت كرسكیں۔اس كے علاوہ اس بات پربھی زور دیا گیا ہے كہ یہ سلطنت خداداد سچے معنوں میں اسلامی سلطنت اس وقت تك نہ ہوگی جب تك اس آئین كے الفاظ كو ملت اسلامیہ كے اعمال میں نہ ڈھالا جائے،اس مقصد كے لیے لامحالہ اپنے علمی،دینی اور تاریخی خزائن كاازسرنو جائزہ لینا ضروی ہے۔اس كے ساتھ ہی قرآن كریم،احادیث اور تاریخ و سیر كی كتابوں میں اپنی عظمت كے ان نشانیوں كو تلاش كرنا ہوگا جو ہمارے اسلاف نے ہمارے لیے بطور ورثہ چھوڑیں ہیں۔اس طرح اس كانفرنس میں شامل اكابر ملت پاكستان كو ایك ایسی سلطنت بناناچاہتے ہیں جہاں اسلام كے اصولوں كے مطابق حكومت كو ایسا نظام سیاست پیش كریں،جس میں اسلامی قوانین كے ساتھ، كمیونزم اور مغربی جمہوریت كا بھی مكمل پاس ركھا گیا ہو۔جس كے لیے علما ئے اكرم كا دینی تعلیم كے ساتھ جدید علوم سے واقف ہونا بھی ضروری ہے۔اس لیے اس مذاكرہ میں تعلیمی مسائل كا احاطہ كرتے ہوئے جدید تعلیم كے حصول كے اغراض و مقاصد بیان كیے گئے ہیں۔